Ni je ga zhechkéyen dbekok?
Tadiwgemek égi zhyayan
Oh? Gi pkenagé ne?
Cho, ngi ngeto ndo biskewagen.
Ni pi je gdo dabyan?
Bokshkan. Abdek mbémsé ngom.
Oh? Nedwéndan ne émbosyen?
Wéte she géte, égikijzedéyan!
Ni je wa shemgoyak pkonyak?
Wiyasen mine penyék égisyan
Cho wiyas nwisnesi.
Ho wa, mamkaj wa je bektéyen.
Ni je éwzhetoyen?
Ode mjegodé nde wzheton éwi nim’ediyan
Ni je pi wa nim’ediyen?
Nemetsena, iw pi émawjeshnowat éjingtemowat ngoji.
Ahau, byédweshen bimskwé’egen
Ode ne?
Cho, bgejgasen yawen. Byédweshen i bimskwé’gen, ibe taswenek
Oh, ode bimskwé’egen. Ahau, i yé ode.
Ni pi je wa majiyen?
Dawéwgemek nwi zhya égishpnedoyan gokmedasnen
Oh, ni je énadek ni gokmedasnen éwi gishpnedoyen?
Mkedéwak gnebej, anaké zawak. Wégwéndek wa je mkanayan.
Odanek ne gwi zhya?
Gnebej, gishpen ébon gméyamget. Gwi wijéwshen ne?
Ehe, abdek zhonyawgemek nwi zhya.
Gi bonimget ne ibe édayen?
Éhe, gi kche boni wnago
Gbégishek ne?
Hé gbégishek mine gbédbek shote
Nin: Byénkwéshkew nidgeko Sarah
Bob: Aha bozho Sarah, Bob ndeshnekas
Sarah: Bozho Bob, édayen ne ngoji shote?
Bob: Cho, shkwengenek nde da.
Nin: Sarah, Mshkekiwnene yawe Bob
Sarah: Oh wenet shna.
Njon: Gkénma ne o ngwes, Njoe?
Bob: Cho, ngkénmasi Njoe.
Njon: Njoe, byan shote, byénkwéshkew nnikan Bob.
Bob, ode se ngwes, Njoe.
Bob: Ahau, Bozho Njoe, gkendan ne éje yawyan?
Njoe: Cho ngekendasi éje yawyen…nzheshé gnebej?
Bob: Cho gzheshé ndawsi. Gnitawes ndaw
Njoe: Oh, wenet shna.
Bama pi mine, nin ashtek éje chikaswat ibe.
Neaseno 